Is dit dan 'n oorwinning?

As jy aan 'n wedloop deelneem en jy is die enigste een wat deelneem, kan jy dan loop en vertel jy was eerste?

Jy kan seker, maar sodra mense agterkom jy was die enigste een in die wedloop, gaan hulle verseker dink jy is bietjie vertraag.

Die DA loop nou en vertel hoe goed het hulle gevaar in die tussenverkiesing teen die ANC. Die ANC is so treurig dat hulle vergeet het om te registreer vir die verkiesing. Het die DA dan nou werklik gewen?

Beteken dit dat die DA slegs kan wen as die ANC nie deelneem nie? Siestog.

Beeld se mening oor die 2010 sokker

Willie trek sy neus op!

Willie is nou moeg vir skewe-Beeld se skewe-berigte. So onlangs as gister weer skryf die rassis Virginia Keppler 'n skewe-berig met die titel "regse kindersoldate".

Wat 'n klomp snert! Willie weet sy is 'n affirmative action aanstelling, maar wraggies, sy kan seker eers seker maak van die feite voor sy 'n berig skryf.
'n Ander joernalis het nou wel vandag 'n meer gebalanseerde berig geplaas, maar wraggies, die skade is mos nou reeds gedoen.

Willie weet die volk is nou gatvol om verkleineer te word deur skewe-Beeld se affirmative action joernaliste. Willie weet ook Beeld se uurglas loop nou uit. Want as die volk nie meer die koerant gaan koop nie, gaan die adverteerders ook nie meer daar adverteer nie en dan sal hulle toemaak.

Siestog, ek wonder of die Sowetan vir Peet Kruger en Timmie 'n werkie sal gee?

Keelvol landbouers

As jy in Suid-Afrika woon en jy is wit, dan is jy teen hierdie tyd redelik keelvol vir misdaad. Sekuriteitsmaatskappye is net daar om die versekeringsmaatskappye gelukkig te maak. Die polisie is net daar.....................................................................om salaris te trek (sjoe, ek moes nou oor daardie een dink)

As 'n boer vir die hoeveelste keer deurgeloop het onder misdadigers en niemand kan (sekuriteitsmaatskappye) of wil (polisie) hom help nie, dan is die gevolg soms dat die boer gekruide taal gebruik. Soms plaas hy selfs die gekruide taal op 'n bord vir die misdadigers om te sien. Soort van 'n laaste vriendelike waarskuwing om asb tog nou sy goed uit te los.

Kersfees in die Nuwe Suid-Afrika

Weens die ekonomiese klimaat wat tans in die land heers, sal Kersvader nie die jaar geskenke bring nie.

Die regering het in elk geval gehoor dat Kersvader wit is en hom vervang met 'n affirmative action aanstelling. Sommer duisende van hulle. Hulle sal egter nie geskenke bring nie, maar geskenke neem. Dit is die nuwe affirmative shopping program van die regering.

Blankes is vermaan om dit nie te verwar met misdaad nie, want soos comrade Mbeki al in die verlede gesê het, misdaad in Suid-Afrika bestaan nie! Moet dus nie die polisie se tyd mors daarmee nie.

Blanke polisiebeamptes mag in elkgeval ook nie meer blanke lede van die publiek help nie, veral as daar swart lede van die publiek is wat gehelp wil word. Dit word nou beskou as rassisme. Veral in Nelspruit.

Eksdom het ook te kenne gegee dat hulle by die regering gaan aansoek doen om kersboom liggies onwettig te verklaar. Die krag wat daar vermors word, kon gebruik word om TV's en radios aan geskakel te hou wat die regerings propaganda boodskap kon versprei.

Laastens het die minister van vervoer, Mnr Pothole, motoriste gewaarsku om nie op die skouer van die pad te ry om slaggate te vermy nie. Dit kan die pad-oppervlakte van die skouer verweer wat slaggate kan veroorsaak. Dit sal groot skade vir die taksie industrie veroorsaak wat daardie deel van die pad gebruik.

Groetnis,

Willie Weetals

Die singende koei.

Die sanger Gerrie Pretorius gaan sy naam verander. Gerrrie Tshwane sal hy nou heet. Dit volg na die regering te kenne gegee het dat die naam Pretorius aanstoot gee en hulle Pretorius straat in Pretoria se naam gaan verander.

Gerrie doen dit uit protes teen die naamsveranderinge.

Dit is 'n mooi gebaar van Gerrie, dat hy nou sou brei-stem ook dik maak teen die sinnelose naamsveranderinge. Gerrie het egter nie aan die gevolge hiervan gedink nie. Sien, Gerrie tree gereeld op by liberale feeste soos die Huisgenoot kotsspel". Tot so jaar of wat gelede het Steve Hofmeyr ook by die nasieboufees opgetree. Dit was totdat hy sy stem te dik gemaak het oor naamsveranderinge en ander bisarre optredes van die ANC. Nou is Steve nie meer welkom by die broeders se feeste nie.

Nou sal die nuwe ruiter van die windjie seker ook op sy windjie moet spring en elders 'n heenkome moet vind. Sal hy welkom wees by opregte volksfeeste met 'n van soos Tshwane?
Willie weet, want Willie Weetals.

Groetnis,

Willie Weetals

Cope, klugspul van die ANC

Politiek is vuilspel. Nog meer so Afrika-politiek. Kyk maar net so bietjie noord van die grens. Robber Mugabe het die verkiesing verloor, maar met behulp van die ANC bly hy steeds aan bewind. Dit is dieselfde ANC wat soos 'n maer vark demokrasie gil as hy nie sy sin kry nie.

Suid-Afrika is op die vooraand van 'n verkiesing en uit die hangkas spring toe 'n nuwe party. Cope. As dit teen vanmiddag nog hulle naam gaan wees, want die partytjie se naam verander vinniger en meer gereeld as Jan Smuts lughawe.

Die media in Suid-Afrika word beheer deur die ANC. Nie die regering nie, die ANC. Tog laat hulle toe dat Cope daagliks in die nuus is. Willie vind dit vreemd, dat die ANC se grootste teenstaanders soveel dekking van die ANC beheerde media ontvang.

Ook is Lekota nie besig om stemme te werf in die ANC se steunbasis nie. Daarvoor maak hulle die verkeerde geluide. Dit is duidelik dat Cope poog om stemme te steel by die opposisie van die ANC. Vir die broeders in Stellenboch vertel Lekota dat die party gestig sal word op 16 Desember sodat die krag van 1838 saamgesnoer kan word. Ook reken Lekota dat affirmative action, swart ekonomiese bevoordeling en kwotasport verkeerd is. Dit klink nie vir Willie soos iets wat die lui swartman in SA wil hoor nie en dus sal hulle nie vir hom stem nie. Dit is eerder iets wat die witman wil hoor.

Gevolglik weet Willie dat Cope 'n front is van die ANC om die opposisie te verdeel. Want verdeel en heers is die oudste tegniek van terroriste. Na die verkiesing gaan die twee saamsmelt en so versker die ANC steeds 'n tweederde meerderheid.

Willie weet en nou weet jy ook.

Groetnis,

Willie Weetals

Speel die bal, nie die bok nie!

Kyk, Willie is nie 'n lidmaat van die Springbokkerk nie. Willie is nie eens 'n sportgelowige nie, maar Willie weet wat die ANC nou doen, is nie reg nie. Want Willie Weetals.

In rugby is daar die cliche wat lui "speel die bal, nie die man nie", maar die ANC is verhewe bo enige reels, wette of selfs geloof. Veral sportgeloof.

Die ANC is ook bekend daarvoor dat hulle tipies van terrorsite, altyd die swakkeres aanval. Met die bomme wat hulle in hulle sogenaamde "struggle" jare geplant het was dit ook die geval.

Vandag is daar 'n bok in hulle visier. 'n Springbok. Hierdie bok is die heiligekoei van menige Afrikaners. Ek vermoed egter die Springbok is 'n ram.

Daar word vertel dat sommige Afrikanermans liewer is vir die Springbok as vir sy eie vrou. (Sommiges is selfs liewer vir die Kangaroo as sy eie vrou, maar dit is 'n ander storie wat te doen het met die vrou en nie die Kangaroo nie....)

Terug by die Springbok. Met 'n hoofletter S, want dit is 'n heilige Springbok. Die Springbok moes die laaste paar weke baie deurloop. Eers wou iemand op hom braak. Toe wou Baasnaas Botha hom vrek skiet. En nou moet hy skuif. Na regs blykbaar. Dit is nou volgens die ANC.

Nou dit is welbekend dat die ANC rugby en veral die Springbok verpolitiseer het. Sou dit dalk wees hoekom hulle die Springbok as regs wil voorhou? Sal die Springbok nou on-liberaal voorkom as hy links op die bors sit?
Of miskien sal hy beter raak gebraak word as hy regs is? Die ANC en sy vrinne sal tog nie op die linkerkant braak nie, of hoe?

Willie wonder ook wanneer het die ANC begin rugby speel. Sien, Cedric Frolick van die ANC noem rugby nou 'n misdadigersport. Frolick is 'n man wat self verlede jaar November gearesteer is vir dronk bestuur en oor die res van die ANC se misdaad rekort laat hierdie blog nie genoeg spasie nie.

Frolick en sy comrades het egter nou 'n perd (of is dit 'n bok) opgesaal wat hulle nie kan ry nie. Want al het die Afrikaner toegelaat dat die ANC maak met hom wat die ANC wil, sal die Afrikaner nie toelaat dat sy heilige Springbok geskiet word nie. Nooit nie.

Die ANC se nuwe hofnar

Nadat Knoffelkoppie Manto in die pad gesteek is, is die amp van hofnar vakant binne die koningkryk van die ANC.

Daar is egter gereeld lede wat aanspraak maak op hierdie amp. Die nuutste aanspraakmaker is Balfour, die huidige Minister van korektiewe dienste. Sy nuutste grap, is om vir Clive Derby-lewis te se dat hy kan hel toe gaan. Willie weet dit is 'n siek grappie, want hoe kan die nar vir Clive se hy kan hel toe gaan terwyl die nar nie vir Clive wil vrylaat uit die tronk nie. Op die stadium kan Clive nerens heen gaan nie.

Willie dink dit sal dalk beter wees as Balfour eder die nuwe hofnar word, want van die regsprosedure van die ministerie waar hy tans is, weet die nar niks nie.

Die nar vergeet seker wat met die ander nar, knoffelkoppie gebeur het. Willie gaan nie eens die nar daarheen stuur nie, hy is besig om self daardie selfde pad te loop.

Groetnis,

Willie Weetals

Zille se plan

Antie Zille het 'n plan gekry. Eintlik het sy hom gesteel. Sien, toe Antie Zille nog 'n nig Zille was, dit is nou voor sy 'n swart serp gekry het teen die koue van isolasie, was sy ook in die skool. Dit was 'n "slegs wit" skool. Antie Zille, toe nog nig Zille, het nie baie gehou van haar "slegs wit" skool nie en daar het sy alles gedoen wat teen die reels was. Seker ook afgekyk.

Dit is iets wat sy nou dat sy 'n Antie is, blykbaar steeds goed doen. Eers wou sy soos die ANC wees, maar toe dit nie werk nie, het sy 'n nuwe plan gekry.

Antie Zille het verseker 'n TV en op daardie TV het sy 'n kleurling gesien wat in 'n witland, die president geword het. Dit is iets wat Antie Zille ook wil wees. Sy het dadelik besluit dat as hy dit kan doen, dan kan sy dit ook doen.

Sy het dus begin om eerder soos hy (Obama) te wees, as soos die ANC. Want die ANC weet self nie meer wie hy is nie. Dit is seker moeilik om te "cope"...

Antie Zille doen nou alles wat Obama gedoen het. Sy het sommer haar partytjie se prentjie ook verander.

Iets wat meer lyk soos Obama sin.

Willie het ook gehoor dat Obama die Withuis gaan verf. Dit gaan blykbaar iets soos die volgende lyk. Want swart is die nuwe wit.

Dit het Antie Zille seker vergeet. Sy sal maar moet wag totdat wit weer die nuwe swart is. Want al dra 'n Antie 'n swartserp, sy bly steeds 'n wit-antie.

Groetnis,

Willie Weetals

Willie het nie geweet nie...

Willie staan in verwondering. Daar gebeur nog dinge wat Willie nie geweet het gaan gebeur nie. Soos Taboe wat 'n Tata bakkie gekry het om sy mbekie, mstoeltjie, mtafeltjie, sy stinkhout kabinet en sy "lazyboy" uit die huis met die R94 miljoen muur te verwyder. Willie weet dat iemand anders nou sy plek ingeneem het, maar Willie weet ook dat dit geen verandering gaan bring nie. Want die een is soos die ander.

Ook het Willie nie geweet die mense is so lief vir politiek nie. So lief dat daar talle nuwe-ou partye gestig word wat niks met die ou partye te doen het nie. En dit is net die wat lus het vir stem!
Daar is nuwe-nuwe partye wat gestig word, wat nie lus het vir stem nie, maar wat presies dieselfde lyk as die ander wat nie wil stem nie. Willie weet nou, maar Willie verstaan nie. Willie, willie verstaan nie, want as Willie verstaan gaan dit sy hoop op eenheid verbreuk.

Eenheid soos wat nou sigbaar is met die Oranje Sakekamers. Willie weet dit gaan werk. Willie weet dit gaan hoop gee. Willie verstaan ekonomie, want Willie weet alles.

Willie het sommer andele in die Bank Zonder Naam gekoop. Want Willie weet hier kom groot dinge. Terwyl die joodsebanke wankel, sal hierdie BZN staande bly, want hy is nie deel van die eenwereldekonomie nie. Nou weet julle ook, maar moenie vir almal vertel nie!

Groetnis,

Willie

Willie weet, want Oom Paul het gesê...

Willie weet, want Oom Paul het gesê. Die leser weet seker nie wat Oom Paul alles gesê het nie of waarna Willie verwys nie. Maar Willie weet. Sien Willie het hier van die kantlyn die gebeure in Bravoland aanskou. Willie het gesien hoe die burgers bekommerd was oor Bravoland. Hoe die burgers gewonder het oor die voortbestaan van Bravoland. Willie was nie bekommerd nie, want Willie weet Oom Paul het gesê. As die burgers maar net weer gaan lees het wat Oom Paul gesê het, sou hulle ook geweet het. Oom Paul het tog ook gesê: "Want wie vir hom 'n toekoms wil skep, mag die verlede nie uit die oog verloor nie." Willie weet die volk was al gereeld platgeslaan maar het altyd weer opgestaan. Na die ABO was dit ook so. Toe die boere terug kom op die plase was daar niks. Dit het hulle nie onder gekry nie. Niks kry HIERDIE volk onder nie. Willie sien dieselfde ding gebeur in Bravoland. Willie sien die forum word oor gebou. Willie sien die hulp aan die volk wat verarm. Willie sien die spaarklub wat op die been kom. Willie sien die kultuurdag wat gereël word. Maar Willie sien meer. Willie weet dat niks van hierdie positiewe dinge sou gebeur het, was dit nie vir daardie een eienskap van ons volk, wat die vyande van die volk altyd onderskat nie. Dit was juis hierdie sterk eienskap van ons volk waarvan Oom Paul gepraat het: "Dit stem my eweneens tot dankbaarheid om te sien dat die eenheid, die eendrag by u regeer." Dit was juis hierdie eendragtigheid wat ons volk se redding was. Telkemale. Willie weet dat die Bravolander nodig het om die volgende woorde van Oom Paul te hoor: "Dit is waar dat baie van wat opgebou is, tans vernietig is, verniel, geval. Tog kan met eenheid van sin en eenheid van krag weer opgerig word wat tans ondergeploeg is." Die Bravolanders het dit reeds in Bravoland begin doen. Vandag Bravoland, môre die wêreld! Willie weet! Groetnis, Willie Weetals

Willie weet toe nie als nie...

Willie weet darem wanneer hy nie weet nie, of gedink het hy weet, maar toe moes uitvind dit wat hy gedink het hy weet, nie is wat hy moes weet nie. Willie weet, want Willie Weetals.... So was dit met Orania. Eintlik is dit nog steeds. Willie weet nie! Ten minste weet Willie as hy nie weet nie en maak nie soos sekere mense en maak of hy weet nie. Dit lyk my in elk geval dat niemand weet nie, alhoewel party maak of hulle weet. Al wat dié wat maak of hulle weet doen, is om die wat wonder deurmekaar te maak. Die wat maak of hulle weet, stem ook nie met mekaar saam nie en baklei lekker oor wie weet die beste. Dit is egter hulle probleem en hulle probleem los nie Willie se probleem op nie, dit maak dit net erger!! Willie is nie 'n boekhouer nie, maar Willie kan somme maak en die somme maak nie sin nie. 1991.....1994......17 jaar...18000 per jaar......2,5 miljoen........1 miljoen.....dit is al die nommers wat Willie moet maal en deel en optel en aftrek en iewers by 652 uit te kom. Willie het nou weer gaan kyk en die syfers is reg, die antwoord het Willie ook oor seker gemaak, dit is wragtig net 652....maar dit kan mos nie, Orania bestaan nou al iets soos 17 jaar, sedert 1992. In 1994 het die ANK die NSA oorgeneem en sedertdien het daar 18 000 mense per jaar gesterf. 'n Miljoen mense het die land verlaat en dit het tot gevolg dat slegs 2,5 miljoen Afrikaners oor is in die land.......en net 652 in Orania. Die veilige Orania wat nog geen misdaad gehad het in die laaste 17 jaar nie - nul, geen, niks! 652 Afrikaners wat geen kontak het met enige volksvreemdes nie, want daar is geen volksvreemdes nie! Orania waar dit volgens die Oraniërs klop disselboom gaan met hulle ekonomie, skole en boerderye, maar waar daar net 652 mense woon. Willie weet die antwoord lê iewers in die syfers, in die nommers. Iewers het Willie 'n syfer gemis..... Dan sak dit skielik op Willie neer soos die aandelebeurs wat in duie stort! 164 en 240 en nog erger 630!! Dit is die syfers wat die nommers af hou. Want sien, Orania is 164km van Kimberley en 240km van Bloemfontein en 630km van Johannesburg! Is Orania se goeie ligging, die rede dat Orania nie groei nie? Wie weet? Wat Willie wel weet, is dat Orania baie werk het as hulle 'n sukses wil maak. Hulle sukses word gemeet aan die syfers en 652 in 17 jaar is nie genoeg nie....

Willie wil ook sien

Willie sien 'n ding kom, 'n ding waarvoor Willie al lankal wag. Dit beteken nou nie dat Willie nou Siener Weetals is nie, om Weetals te wees, beteken nie dat Willie die toekoms moet kan voorspel of "sien" nie. Daar het egter 'n paar dinge gebeur wat vir Willie beteken dat daar 'n ding kom, want Willie sien helder wat om hom aangaan maar dit beteken nie dat hy nou gesigte sien of heldersiende geword het nie.

Nou wonder die leser seker wat is die ding wat Willie weet wat kom, want die leser weet seker nie ook alles nie, Willie weet, want Willie Weetals...

Laat Willie egter by die begin begin, want dit is 'n baie beter plek om te begin as om by die einde te begin. Sienende dat dit iets is wat Willie gesien het, gaan Willie hierdie ding verduidelik soos iets wat iemand "gesien" het.

Willie sien 'n bult agter hom, hy loop tot bo-op die bult en sien in die verte 'n groot teerpad. Op die teerpad ry daar 'n oranje, wit en blou voertuig met 'n bleskop-man agter die stuur. Daar staan 'n menigte swart mense langs die pad wat opgelaai wil word. Die mense agter in die voertuig sê egter dat die bleskop-man hulle nie moet oplaai nie, want die mense agter in die voertuig het reeds betaal dat die menigte langs die pad hulle eie voertuie kan koop. Die mense langs die pad het egter nie mooi gekyk na hulle voertuie nie en die staan nou stukkend langs die pad. Die mense langs die pad is nou baie jaloers op die oranje, wit en blou voertuig. Weer betaal die mense agter in die voertuig om dié langs die pad se voertuie te laat regmaak. Die mense langs die pad kyk steeds nie mooi na hulle eie voertuie en wil graag die oranje, wit en blou voertuig hê.

Die bestuurder van die oranje, wit en blou voertuig is nou bang vir al die mense langs die pad, want hulle begin in die pad te dans en hy moet gereeld uitswaai. Van die mense agter in die voertuig sê dat hy oor hulle moet ry, want nou gooi hulle selfs klippe na die oranje, wit en blou voertuig. Die bleskop-man het nou 'n geel pak aan. Hy sê vir die mense agter in die voertuig dat hy net gou met die mense langs die pad wil praat, maar net as hulle ophou klippe gooi.

Hy stop die oranje, wit en blou voertuig en begin met die mense langs die pad te praat. Hulle druk 'n paar sente in sy hand en spring in die voertuig. Van die mense agter in die voertuig klim uit en spring op vliegtuie, weg – vir altyd! Ander word wreed by die voertuig uitgegooi. Die mooi pad is nou 'n grondpad, hoe verder die pad aangaan en nader kom aan Willie, hoe groter is die gate in die pad en hoe meer van die mense wat agter sit word wreed uitgegooi. Die voertuig is nie meer oranje, wit en blou nie, dit lyk nou soos 'n reënboog...

Dan snel die voertuig buite beheer verby Willie. Daar is nou nie meer 'n pad nie, die voertuig jaag sommer deur die veld. Van die mense agter in voertuig, wat nog die hele tyd aan die slaap was, word nou wakker, die een na die ander. Saggies begin hulle te kla dat die rit nou te rof is en dat te veel by die voertuig uitgegooi word. Ook kla hulle dat die eens mooi voertuig nie meer in so ’n goeie toestand is nie omdat die nuwe drywer nie na die voertuig kyk nie.

Die nuwe drywer luister nie na hulle nie, want hulle is baie en die wat agter sit is min...

Dan sien Willie 'n snaakse ding, die mense agter in die voertuig het nou hulle eie voertuig, dit is maar 'n klein voertuig, maar 'n mooi voertuig... dan word hierdie voertuig groter en die mense wat nog geslaap het agter in die reënboogvoertuig spring ook nou daarin. Die nuwe voertuig ry nou weer op 'n mooi gladde nuwe pad en in die verte sien Willie die ou voertuig het gebreek en staan nou doodstil...